: : : : : : . . M O N R E V E . . : : : : : :

Өчигдөр Аялал жуулчлал ба орон нутгийн эдийн засаг гэсэн сэдвийн хүрээнд Олон улсын Мерси Кор /Mercy corp/, Тогтвортой аялал жуулчлалын хөгжлийн төвтэй ТББ /STDC NGO/ хамтран зохион байгуулсан семинарт сургалтанд суулаа. Улаанбаатар зочид буудлын 6 давхрын хурлын танхимд болсон уг хуралд Олон улсын донор байгууллагууд, аймгуудын ЗДТГ-ийн Аялал жуулчлалын хэлтсүүдийн төлөөлөгч нар, төрийн бус байгууллагууд, ТХГН-ийнхан, хувийн хэвшлийн тур оператор болоод жуулчны баазынхан, аялал жуулчлалын чиглэлээр сургалт явуулдаг их дээд сургуулиудын багш төлөөлөгчид нийлсэн 60 гаран хүний бүрэлдэхүүнтэйгээр 09 цагаас 15 цаг хүртэл амжилттай явагдлаа.

Семинарын үеэр дараахи илтгэлүүд хэлэлцэгдсэн болно.

• Аялал жуулчлал ба орон нутгийн эдийн засаг /АЖТХТ-ийн тэргүүн Д.Гантөмөр/
• Орон нутгийн эдийн засгийг аялал жуулчлалтай холбох нь /Мерси Кор байгууллагын  аялал жуулчлалын зөвлөх Брайн Ватмоу/
• Өмнөговь аймгийн аялал жуулчлалын хөгжил, аймгийн засаг захиргаа, хувийн хэвшлийнхний хамтын оролцоо /Гайхамшигт говь ТББ, Х.Түмэндэлгэр/
  
• Аялал жуулчлал ба хөгжил /Дэлхийн банк, Жим Рэйчерт/
• Хустайн БЦГ дахь нутгийн иргэдэд тулгуурласан аялал жуулчлал /Хустай БЦГ-ын дарга, Н.Банди/
• Хөдөөгийн эдийн засгийг дэмжихэд хувийн хэвшлийнхний үүрэг оролцоо /Хөвсгөл Трэвел Б.Болорцэцэг/
• Хариуцлагатай аялал жуулчлалыг  хөгжүүлэхэд стандартын үүрэг оролцоо /Green certificate/ /МУИС, аялал жуулчлалын багш Д.Энхжаргал, Илтгэлийг бэлтгэсэн ОУАЖ-ын эксперт Д.Гансүх, МУИС-ын аялал жуулчлалын багш Г.Баатарцоож/
• Хөдөөгийн эдийн засгийг дэмжихэд хувийн хэвшлийнхний үүрэг оролцоо /Номадик Экспедишнз Монголия н.Гэрэлтөв/
• Монгол орны аймгуудад брэнд, онцлог шинж чанарыг бий болгох нь /ҮАЖБ, Б.Индраа/

Дээрх сэдвүүдээр илтгэл семинар тавигдсаны дараа дараахь дүгнэлтэнд хүрсэн болно.

Нутгийн иргэдийг Аялал жуулчлалд татан оруулах, орон нутгийн эдийн засгийг нэмэгдүүлэхэд орон нутгийн засаг захиргаа, хувийн хэвшлийнхэн, орон нутгийн иргэдийн хамтын ажиллагаа чухал бөгөөд явуулж буй үйл ажиллагаануудаа хамтран зохион байгуулах, орон нутгийн иргэдийн оролцоог зөв ашиглах цаг болсон гэдгийг талууд бүрэн хүлээн зөвшөөрснөөр өндөрлөсөн юм.

МУИС-ын Цоморлиг, ХҮДС-ийн Амаржаргал нар

Х.Түмэндэлгэр ах Говийн Аялал жуулчлалын орон нутгийн оролцооны талаар илтгэл тавив.

Дэлхийн банкны Жим Рэйчерт

Хустай БЦГ-ийн нутгийн иргэдийн аялал жуулчлалын оролцоо

Ногоон гэрчилгээжүүлэлт илтгэлийн үеэр

Амараагийн цаана Хөвсгөл Трэвелийн менежер Д.Наранчимэг, Б.Болорцэцэг нар